Kjære gjest!



Velkomne i Stabburet på Juv


Juv - i hjartet av Nordfjord

Juv - med utsyn over fjorden

Juv - ved elva og fjellet

Juv - med stillheit og ro



Stabburet er sommar

Stabburet er leik og turar

Stabburet er kos ved peisen

Stabburet er tid saman




Vi håpar du vil trivast her!


- Rønnaug -



 

Stabburet

Gardshus - ombygd til lita, intim hytte i vestnorsk bondestil - med fasinerande utsikt over landskapet som speglar seg i fjorden.




Den perfekte stad for å hente nye krefter til ein krevjande kvardag!


Ein bur i fredelege omgjevnader, men likevel nær turmål i verdsklasse som norges vestlegaste punkt Vestkapp, Briksdalsbreen med hesteskyss og brevandring, Panoramavegen og Kulturløypa på Ulvedal på andre sida av fjorden, den berømte Geirangerfjorden,  Den gamle Strynefjellsvegen, Jostedalsbreen Nasjonalparksenter, Bresenteret i Fjærland og Jugendbyen Ålesund.

Stabburet vart bygd i 1954 av Arne Berge for lagring av mat på garden som tørka kjøt og flesk, sild, flatbrød og kle. 


Frukost på verandaen i tidleg morgonsol og fuglekvitter gjev ein
god start på dagen og hygge ved peisen ei fin avslutning før ein sovnar så godt til "songen" frå Juvselva.





Kjøkkenet har moderne utstyr som komfyr, kjøleskåp, oppvaskmaskin, microbølgeovn, kaffitraktar, vaffeljarn og støvsugar, men er innreia i småkoseleg, bonderomantisk stil. 




Stova har nye furumøblar i tradisjonell, vestnorsk stil, laga av ein
lokal snikkarverkstad.  Vedpeisen i hjørnet varmar både etter
ein lang solskinsdag og på regntunge dagar.

 







Soverom med himmelseng, dusj og toalettrom i hovedetasjen. Soverom med 2 (1,80 m), evt. 3 enkeltsengar  i 2. etasje.

Veranda i fine omgjevnader. Utemøblar og grill.

Vaskemaskin til leige (pris pr. vask) i kjellaren på hovedhuset.
Der er også fryseboks tilgjengeleg.



Juv er flott utgangspunkt for oppleving av natur og kultur;
fiske og båttur på fjorden omkransa av elvefall og grøn vestlandsnatur, fottur til Juvstøylen 450 m.o.h. med gammalt sel og svimlande utsyn og gardsvandring med fyr på grua i eldhuset er å anbefale under opphaldet i Stabburet på Juv.  Les meir under menypunkt Aktivitetar.  Unn deg ein personleg bygdevert i feien og få den heilt spesielle opplevelsen!

Bading i fjøra ved naustet eller ca. 1 km til strand med fin småstein.

Sopp og bær kan plukkast i skogen.

Eit par syklar av eldre modell kan også nyttast "på eige ansvar".


Gode muligheter for fjellturar, fiske i ferskvatn, brevandring, rafting, riding, sykling, kunst- og kulturopplevingar m.m. i regionen, sjå menypunkt Reisemål.


Bratt gardsveg til tunet. Parkering 30 m frå hytta eller ved hovedveg 80 m.

Ved fjorden ligg plastbåt med mogelegheit for leige av 4 hk eller
9,9 hk påhengsmotor.



Sengetøy kan leigast.

Sluttreingjering kan avtalast.


Sjå også omtale av Gamlestova.

Huset vert leigd ut gjennom DanCenter - nr. 18664.

Program

 








 


"Stabbursnissane"


"Stabbursheksa"










"Skjoreteppe"




"Stabburslemmen"