I hjarte av fjordlandet; fjord, bre og hav
Feriehus i vestnorsk bondestil med storslagen utsikt over den vakre Nordfjorden, - omkransa av dei verdskjende reisemåla Geiranger, Briksdalsbreen og Vestkapp.




Pusterom og sjelefred
Utsiktseigedomen Juv tilbyr moderne menneske oppleving og kjensle av sakte tid. Her er fullstendig ro og fred. 
Du kan ta i bruk alle sju sansar og nyte dei ulike årstider frå fjord til høgfjell. 


Opplev fjorden i båt på eiga hand, gå til fots i skog og fjell og set deg ned saman med vertskapet i eldhuset og nyt ein kopp nykokt kaffi og lyden av elden som sprakar i grua - aktivitetar som gjev nye krefter i ein elles hektisk kvardag.


Drøym behaglege draumar i himmelseng og la tidleg morgonsol,
elvesus og fuglekvitter vekkje deg opp til ein ny dag med blanke ark og mange muligheter.
Når gråværet kjem sigande, er det godt å kvile ut til den gode varmen frå ovnen og lyden av vinden som ular og regnet som "bankar" på ruta.


Vi deler gjerne over 2000 mål av moder jord
og livsarven vår tilbake til 1200-talet med deg,
og helsar velkomen
til hjartet av fjordlandet og møtet med fjord, bre og hav!